ليـش الحقيقـة فـي زمنـا جريمـه
وليش الصراحة غايبة ما لها سـاس
ليش القلوب مـن المنافـق حطيمـه
وليش المشاعر ما بها حب واحساس
ليش التواضـع صـار تقليـل قيمـه
وليش التعالي والكبر صار وسـواس
ليش الصدق يانـاس يصبـح هزيمـه
وليش الكذب يصبح شطارة ونومـاس
ليش العفـاف يصيـر دقـة قديمـه
وليش السفور اصبح حضارة ومقياس
ليش الخيانة صـارت اليـوم سيمـه
وليش الامانة ما يراعي لهـا النـاس
ليش انتشر في الناس حكـي النميمـه
وليش الكرامة بين الاصحاب تنـداس
ادري الحقيقة لـو بجـاوب عظيمـه
وادري الصراحة في سما العز نبراس
حـب القلـوب الصادقـة مستديمـه
ولين المشاعر يطرد الضيم والبـاس
ودرب التواضع مـن دروب الغنيمـه
ودرب الكبر لبليس وابليـس خنّـاس
ترى الصراحة عند الأجـواد شيمـه
وراعي الكذب دايم وصاحِبْه محتـاس
وبنت العفاف اتعيـش دايـم كريمـه
وبنت السفور اتعيش ما بين الادنـاس
واللي يخـون يعيـش حـالٍ سقيمـه
وراعي الامانة دايـمٍ رافـع الـراس
وعلى الواشي جنات ربـي حريمـه
وجزاه نارٍ تـاوي الخلـق الاتعـاس
هـذا الزمـان اللـي حياتـه عقيمـه
يالله دخيلك قبل مـا ناصـل افـلاس
لـو البشـر للديـن طـوعٍ تقيـمـه
كان البسوا ثـوب المسـرّات لِبّـاس
يالله يـا منشـي سحابـه وغيـمـه
شكرك وذكرك من قبل قطع الانفـاس
